Директорот на Милан, Паоло Малдини изјави дека клубот смета на напаѓачот Марио Манџукиќ .
„Ние добро го познаваме Манџукиќ, разговаравме со него. Ние не се консултираме со нашите играчи, клубот одлучува за сè. Имаме директен контакт со тренерот. Во фудбалот, само да се биде добар човек не е доволно. Ние исто така ги привлекуваме оние кои се различни од другите. Не зборувам за Марио сега, но општо“, изјави Малдини за „Фудбал Италија“.
Италијанските медиуми објавија дека вчера (18 јануари) Манџукиќ го завршил медицинскиот преглед во Милано. Во блиска иднина треба да следи официјалното соопштение за потпишување на договорот со Хрватот, кој е со статус на слободен агент. Беше објавено дека Манџукиќ ќе потпише договор со крајот на сезоната 2020/2021 со можност за продолжување на уште една година.
Поранешниот напаѓач на Јувентус и Баерн Минхен е слободен агент откако го раскина договорот со катарскиот клуб Ал Духал на 5 јули 2020 година, за кој постигна 1 гол на 10 натпревари.

