Манчестер Јунајтед е заинтересиран за потписот на крилото на Реал Мадрид Марко Асенсио, пишува весникот „Сан“.
Договорот на 26-годишниот напаѓач со Реал Мадрид завршува наредната година, но шпанскиот клуб не сака да го обнови и сака да го продаде играчот. Причината за тоа се преголемите барања за плата на Асенсио.
Реал Мадрид бара 34 милиони евра за трансферот на трикратниот освојувач на Лигата на шампионите. Напаѓачот учествуваше на претсезонските подготовки под водство на Карло Анчелоти во САД и настапи на сите три пријателски натпревари. Асенсио е играч на Реал Мадрид од 2015 година.
Минатата сезона фудбалерот забележа 42 настапи за мадридскиот клуб во сите натпреварувања, постигнувајќи 12 гола и две асистенции. Претходно Асенсио настапуваше за Мајорка и Еспањол. Од 2016 година напаѓачот е повикан во шпанската репрезентација.