Аргентинскиот играч од средниот ред на Манчестер Јунајтед, Алехандро Гарначо го продолжи договорот со клубот. Новиот договор е со важност до 30 јуни 2028 година. Ова го објави официјалниот сајт на Манчестер Јунајтед.
„Кога му се приклучив на овој неверојатен клуб, мојот сон беше да дебитирам на „Олд Трафорд“, да го постигнам мојот прв гол и да освојам трофеи со овој амблем на моите гради. Чувствувам голема гордост и емоција што веќе ги доживеав овие моменти со моето семејство, кое ме поддржуваше на секој чекор од патот. На сите ни е чест да го продолжиме нашето патување во Манчестер Јунајтед и јас веќе почнав да работам на мојот следен сет на цели и амбиции. Тренерот и неговиот персонал ми помогнаа да се подобрам на секој начин и со нивна поддршка секојдневно се развивам за да му помогнам на тимот да успее. Се радувам на иднината и едвај чекам да создадам уште попосебни спомени со овој тим пред нашите неверојатни навивачи“, изјави Гарначо.
Гарначо оваа сезона има 29 настапи за Манчестер Јунајтед во сите натпреварувања, постигнувајќи четири гола и четири асистенции.