Манчестер Јунајтед нема намера да го продава напаѓачот Кристијано Роналдо. Претставници на англискиот клуб му порачаа на 37-годишниот напаѓач дека нема да го пуштат никаде ова лето, пишува „ESPN“.
Извори блиски до Манчестер Јунајтед велат дека клубот очекува Кристијано Роналдо да остане. Манчестер Јунајтед сака Роналдо да продолжи да игра за клубот. Ерик тен Хаг сака Португалецот следната сезона да биде во Јунајтед.
Познато е дека Кристијано сакал преостанатите години од кариерата да ги помине играјќи за клуб кој игра во Лигата на шампионите. Тој се сомнева во амбициите на Манчестер Јунајтед бидејќи клубот допрва треба да направи некакви засилувања ова лето. Договорот на Роналдо со Манчестер Јунајтед е со важност уште една година, во него е вклучена и опцијата за продолжување на уште една сезона. Претходно Кристијано Роналдо беше поврзуван со можна преселба во Челзи, Баерн и Рома.
Напаѓачот минатата сезона постигна 24 гола и даде 3 асистенции на 39 натпревари за Манчестер Јунајтед во сите натпреварувања.