Манчестер Јунајтед е уште еден клуб кој внимателно ја следи ситуацијата со напаѓачот на Барселона, Антоан Гризман.
Иднината на Французинот на „Камп Ноу“ останува неизвесна, иако Каталонците ја загубија својата голема sвезда Лионел Меси. Сепак, клубот продолжува да има сериозни финансиски проблеми, а 30-годишниот Французин добива една од највисоките плати на „Камп Ноу“, а токму тоа може да ги натера сопствениците на клубот да се разделат со него со добра понуда
Се очекуваше Манчестер Јунајтед да не привлекува нов напаѓач откако Единсон Кавани потпиша нов договор со клубот. Сепак, најновите информации тврдат дека „Црвените ѓаволи“ се распрашувале за можноста да го привлечат Антоан Гризман. Од „Олд Трафорд“ дури размислуваат да дадат официјална понуда во наредните денови. Гризман не можеше да ги исполни големите очекувања по неговиот трансфер за 120 милиони од Атлетико Мадрид во 2019 година. Досега, тој има 99 натпревари, 35 голови и 17 асистенции во дресот на Барселона во сите натпреварувања.
Сепак, Манчестер Јунајтед не е единствениот кандидат за потписот на францускиот напаѓач. Тој блиску до враќање во Атлетико, но трансферот пропадна. Покрај тоа, Тотенхем, Челзи, Манчестер Сити и Јувентус исто така внимателно ја следат ситуацијата. Неодамна се појавија информации дека Барселона поставила цена за Гризман од 50 милиони евра.