Играчот од средниот ред Џејдон Санчо својата кариера ќе ја продолжи во Манчестер Јунајтед, објави италијанскиот новинар Фабрицио Романо на „Твитер“.
Манчестер Јунајтед наскоро ќе го објави трансферот на играчот. Менаџерот на Манчестер Јунајтед, Оле Гунар Солскјер изјави дека остануваат само неколку документи што треба да се подготват. Санчо потекнува од школата на Ватфорд и Манчестер Сити и својата сениорска кариера ја започна во Борусија Дортмунд во 2017 година. Тој е дел од репрезентацијата на Англија од 2018 година.
Минатата сезона, 21-годишниот играч за врска учествуваше на 26 натпревари во Бундеслигата, на кои постигна осум гола (еден од белата точка) и даде 11 асистенции. Беше објавено дека Манчестер Јунајтед ќе и плати на Борусија Дортмунд за Санчо 85 милиони евра.