Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Манчестер Јунајтед вечерва во Рим оди да го заврши започнатото
    Фудбал

    Манчестер Јунајтед вечерва во Рим оди да го заврши започнатото

    risteBy riste06/05/2021No Comments2 Mins Read
    Facebook Twitter Pinterest LinkedIn Tumblr Email

    Манчестер јунајтед вечерва од 21.00 часот ќе го игра реваншот од полуфиналето во Лигата на Европа против Рома на „Олимпико“. Пред една недела, „црвените ѓаволи“ ја совладаа Рома со 6:2 на „Олд Трафорд“ и денес треба само да го завршат започнатото и да го заверат својот пласман во финалето во Гдањск на 26 мај.

    Поразот на „Олд Трафорд“ доведе до промена на тренерот во Рома, со тоа што сегашниот португалски тренер Пауло Фонсека беше заменет на крајот на сезоната од сонародникот Жозе Мурињо. Со оглед на резултатот од првиот натпревар, вечерва се очекува англискиот тим да игра послободно и да оствари уште еден убедлив триумф.

    За време на викендот, Манчестер Јунајтед беше потресен од проблеми со навивачите кои го нападнаа „Олд Трафорд“ и го спречија одигрувањето на дербито со Ливерпул. Ова неизбежно ги погоди играчите, кои вечерва треба да покажат високо ниво на професионализам.

    Куриозитет за мечот е што вечерва менаџерот на Манчестер Јунајтед Оле Гунар Солскјер ќе го надмине бројот на натпревари на чело на „црвените ѓаволи“ на Жозе Мурињо, запишувајќи го неговиот натпревар со број 145.

    Норвежанецот вечерва нема да може да смета на Даниел Џејмс, кој е повреден и не заминува за Рим. Тој им се придружи на Ентони Марсијал и Фил Џоунс. Така, составот за натпреварот беше надополнет со младите Амад Диало и Ентони Еланга.

    Во исто време, Рома нема што повеќе да загуби и барем може да се обиде да направи голем пресврт сличен на оној од април 2017 година, кога стигнаа до 3:0 против Барселона и со вкупен резултат 4:4 се пласираа во полуфиналето на Лигата на шампионите. Фонсека денес нема да смета на голманот Пау Лопез, на кого му е изместено рамото, и се очекува да му даде шанса на Антонио Миранте. Исто така, надвор од комбинација се Леонардо Спинацола и Жордан Верету. Џанлука Манчини се враќа по одработената казна, а во стартниот составот ќе бидат и поранешните играчи на Јунајтед, Крис Смолинг и Хенрик Мхитаријан.

    Веројатни состави:
    Рома: Миранте, Ибањес, Смолинг, Манчини, Карсдорп, Кристанте, Диавара, Перез, Пелегрини, Мхитаријан, Џеко.
    Манчестер Јунајтед: Де Геа, Ван Бисака, Баји, Мегваер, Телес, Фред, МекТоминеј, Рашфорд, Фернандеш, Погба, Кавани.

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.