Манчестер Сити ќе биде без Рубен Дијаз во еден од најважните периоди во сезоната. Според извештаите во Англија, 25-годишниот централен бек се здобил со повреда на бутот за време на натпреварите на Португалија на Светското првенство во Катар.
Дијаз ја заработи повредата во осминафиналето со Швајцарија, но сепак неколку дена подоцна одигра цел натпревар против Мароко. Ова го зголеми проблемот и сега Дијаз, кој беше избран за играч на сезоната во Премиер лигата за 2021 година, ќе паузира до февруари. Сето ова значи дека Пеп Гвардиола нема да може да го искористи својот најдобар централен бек на клучните натпревари против Манчестер Јунајтед и Челзи.
Сепак, Шпанецот има доволно играчи на оваа позиција, бидејќи вчера на теренот во различни периоди од средбата со Ливерпул беа Емерик Лапорт, Џон Стоунс, Нејтан Аке и Мануел Аканжи.