Манчестер Сити во натпреварот од првото коло од групната фаза на Лигата на шампионите на домашен терен го победи германскиот РБ Лајпциг со резултат 6:3.
Екипата на Пеп Гвардиола постави рекорд меѓу англиските клубови за најбрзо време да оствари 50-та победа во најсилното европско натпреварување, објави официјалната веб -страница на Манчестер Сити. За да го направат ова, Манчестер Сити требаше да одигра 91 натпревар.
Претходно, рекордот меѓу англиските тимови го држеше Манчестер Јунајтед – 96 натпревари. Челзи мораше да одигра 98 натпревари во Лигата на шампионите за да постигне 50 победи. Рекордер во ова натпреварување според овој параметар е Реал Мадрид (88 натпревари). Манчестер Сити е на второ место, а потоа како трета е Барселона со 93 натпревари.