Манчестер Сити подготвува нов договор за норвешкиот напаѓач Ерлинг Халанд, откако беше отстранета клаузулата за ослободување од неговиот актуелен договор, објави „Атлетик“.
Договорот на 22-годишниот напаѓач вклучуваше клаузула која му дозволуваше да замине за 169,5 милиони евра во летото 2024 година доколку клубот ги исполни условите и тој сака да направи таков потег. Клаузулата беше конкретно поврзана со иднината на менаџерот Пеп Гвардиола во клубот и беше откажана кога Каталонецот го продолжи договорот во ноември 2022 година, обврзувајќи се со Манчестер Сити до 2025 година.
Се вели дека Халанд е многу среќен во неговиот сегашен клуб.
Норвешкиот напаѓач има 28 настапи оваа сезона во англиската Премиер лига, постигнувајќи 32 гола и пет асистенции. Халанд има и седум натпревари, 11 голови и една асистенција во Лигата на шампионите.