Роберто Манчини и официјално е новиот селектор на фудбалската репрезентација на Италија.
Тренерот кој пред неколку дена се раздели од кормилото на рускиот клуб Зенит, и официјално синоќа беше назначен за нов предводник на „азурите“.
Манчини ќе има задача да ја врати Италија на големите натпреварувања, откако неговиот претходник Џампјеро Вентура не успеа да обезбеди пласман на СП во Русија.
53-годишниот стратег, својата тренерска кариера ја започна во Фиорентина, а ги има предводено и екипите на Лацио, Интер, Манчестер Сити и Галатасарај.
Неговото официјално претставување треба да се случи денес на прес-конференција која треба да се одржи во тренинг базата „Коверчано“.