Напаѓачот на Ливерпул и Сенегал, Садио Мане му даде финансиска помош на едно камерунско семејство.
По 1/8-финалниот натпревар од Купот на Африканските нации со Зеленортските Острови (2:0), сенегалскиот напаѓач мораше да ја посети болницата за да биде прегледан во врска со можен потрес на мозокот. Во медицинска установа Мане дознал за повреденото дете и платил за неговото лекување.
„Во Бафусам, Мане направи хуман гест во корист на едно семејство. Мотоциклот удрил во нивното дете, имало скршеници и повреди по целото тело. Бил блиску до смртта, а неговите родители не можеле да си дозволат да го платат лекувањето. Садио Мане се сретнал со семејството и прашал што е работата. Ситуацијата му била објаснета и тој му дал на семејството 400.000 CFA франци (малку повеќе од 600 евра)“, објавија медиумите во камерун.
Мане се појави на секој од седумте натпревари на Сенегал на КАН 2021 година, постигнувајќи три гола и две асистенции. Во финалниот меч со Египет, Садио Мане во 7. минута од средбата не успеа да реализира пенал, но се поправи во серијата пенали по мечот и донесе победа на својата репрезентација на турнирот.