Марк Хјуз потпиша нов 3-годишен договор со Саутемптон, откако успеа да обезбеди опстанокот на оваа екипа во Премиер лигата. Неговите помошници, исто така, остануваат со него.
Велшанецот застана на чело на тимот во март, но успеа да го задржи местото на Саутемптон меѓу најдобрите, како еден од најважните натпревари неговиот тим го победи директниот конкурент Свонси со 1:0 како гостин.
„Јас сум многу возбуден бидејќи потпишав долгорочен договор со клубот. Тоа беше единствената опција за која размислував откако поминаа последните 8 недели на чело на оваа екипа. Фудбалерите работеа напорно, навивачите ни дадоа голема поддршка и се радувам што ја постигнавме целта”, изјави Хјуз.
Под негово водство тимот освои 11 поени од последните 10 натпревари, а по обезбедениот опстанок претседателот Ралф Кругер коментираше дека 54-годишниот менаџер му помогнал на тимот да избегне пад во „бездна”.