Централниот дефанзивец на Мексико Рафаел Маркез е пред учество на петтото по ред светско првенство, откако беше вклучен во поширокиот список од 28 фудбалери од селекторот Хуан Карлос Осорио за шампионатот во Русија. Ако влезе во составот на својата репрезентација за СП во Русија,
39-годишниот Маркез ќе стане само третиот играч со учество на пет различни СП по сонародникот Антонио Карбахал и Германецот Лотар Матеус. За Маркез, кој во моментов игра за тимот на Атлас, светското првенство ќе биде последно во неговата кариера, бидејќи поранешниот играч на Барселона веќе објави дека се повлекува од фудбалот по шампионатот во Русија.
Мексико го започнува Светското првенство на 17 јуни со натпревар против светскиот шампион Германија, а потоа ќе игра против Република Кореја и Шведска.