Селекторот на репрезентацијата на Мексико Хуан Карлос Осорио го објави конечниот список на тимот кој ќе настапи на претстојното СП 2018 (14 јуни – 15 јули).
Ветеранот, Рафаел Маркез, исто така беше на списокот на 56-годишниот слекетор на Мексико. За 39-годишниот поранешен дефанзивец на Барселона, ова ќе биде петтото Светско првенство. Тој ќе им се приклучи на сонародникот Антонио Карбахал, Германецот Лотар Матеус и Италијанецот Џанлуиџи Буфон, кои биле дел од пет мундијали. Карбахел и Матеус се единствените што играа на пет СП досега.
Играчот на Пачука Ерик Гутиерес кој остана надвор списокот со 23 играчи, ќе патува со Мексико во Европа. Тој ќе биде во улогата на резерва, ако некој од останатите заработи повреда и не може да земе учество на СП 2018. На Светското првенство во Русија, Мексико е во Група Ф, каде што се Германија, Јужна Кореја и Шведска.