Франција ја продолжува одбраната на светската шампионска титула со дуелот против најголемото пријатно изненадување на СП 2022, Мароко. Франција е е на чекор од играње финале на Светско првенство вторпат по ред, а големата цел е да станат само третата селекција по Италија и Бразил што ја одбраниле титулата. Откако Мароко испиша историја како прва африканска селекција што стигнала до полуфинале на Светско првенство, Мароканците сега ќе се обидат, со помош на своите бурни навивачи, да стигнат до големото финале.
Франција се пласираше во полуфиналето по победата над Англија со 2:1. Во текот на ова првенство покажаа исклучителна ефикасност потврдувајќи дека се расположени за голови против секој противник. Франција не успеа да победи во првите три полуфиналиња на Светското првенство, но „петлите“ постојано стигнуваа до финалето во последните три настапи во оваа фаза. Ова се случи во 1998, 2006 и 2018 година. Тимот на Дидие Дешамп би можел да стане првиот европски тим од 1984 година кој ќе се квалификува во финалето како актуелни носители на трофејот. Досега, само Италијанците го направија ова одново во 1934 и 1938 година.
Франција на турнирот во Катар досега има примено гол на секој свој натпревар. Мароко е токму спротивниот тим во овој поглед. Досега примија само еден гол за време на СП 2022. А тоа беше автогол на Наиф Агер на натпреварот против Канада.
Мароко веќе победи три европски селекции во Катар – Белгија, Шпанија (по изведување пенали) и Португалија. Против Хрватите избраниците на Валид Реграги забележаа реми без голови. Мароко, меѓутоа, досега нема победа над Франција. Двата тима играле пет пати еден против друг.
Натпреварот од полуфиналето на СП во Катар овие две репрезентации го играат вечерва со почеткот од 20 часот.