Младиот напаѓач на Манчестер Јунајтед Антони Марсиал може да остане во клубот наредната сезона, но само ако покаже добра игра за време на предсезонските подготовки на „црвените ѓаволи” во САД, пишува британскиот весник „Express”.
Според изданието менаџерот на англискиот тим Жозе Мурињо е разочаран од развојот на 22-годишниот фудбалер, но е подготвен да му даде последна шанса. Клубот нема да го продава Марсиал, ако Французинот се претстави добро во средбите од американската турнеја.
Тековниот договор на играчот е до крајот на следната сезона. Марсиал дојде во Јунајтед од Монако во 2015 година. Напаѓачот постигна 9 гола во 30 натпревари во минатата сезона во Премиер лигата на Англија.