Водечките италијански дневни весници „Газета дело Спорт“ и „Тутоспорт“ на своите насловни страници денес даваат бесплатен совет до управата на Милан – „Милан, заклучете го Кесие!“
Медиумите се повикуваат на договорот играчот о Брегот на Слоновата Коска кој е до летото 2022 година, како и зголемениот интерес за него по серијата одлични настапи во средниот ред на „росонерите“. Прашањето за можни понуди до него стана особено актуелно по неговиот одличен натпревар против Манчестер Јунајтед во Лигата на Европа, по што (очекувано) англиските изданија веќе се натпреваруваат да му препишат нов клуб кој е заинтересиран за него.
Сепак, Милан има поитни преговори за нови договори со нови играчи, бидејќи Џанлуиџи Донарума и Хакан Чалханоглу се практично слободни да договорат нови тимови затоа што ќе бидат слободни агенти во јули. Раководството на „росонерите“ со месеци разговараше за нови договори со нивните агенти, но сеуште нема договори.