Хари Мегваер е изјавил пред своите соиграчи во Лестер Сити и тренерот Брендон Роџерс дека сака да го напушти Лестер Сити, и дека тој има само една цел пред себе – Манчестер Јунајтед.
Самиот клуб добил понуда во вредност од 75 милиони фунти од Манчестер Јунајтед и по се изгледа дека англискиот репрезентативец ќе игра за рекордерот според титули во оваа земјата од следната сезона.
26-годишниот Мегваер изјавил лично пред Роџерс и останатите фудбалери на „лисиците” за време на кампот во Франција дека сака да го напушти клубот и се надева дека со ова ќе ги олесни преговорите меѓу двата клуба. Тој беше посакуван и од Жозе Мурињо пред една година, кога трансферот пропадна, а сега фудбалерот се надева дека тоа нема да се случи повторно.
Манчестер Сити исто така е кандидат за потписот на Мегваер, но во моментот не изгледа реално шампионот да се изедначи со понудата на Јунајтед, кој даде понуда со иста ведност како наа што ја плати Ливерпул за Вирџил ван Дајк. Освен тоа самиот фудбалер ги фаворизира „црвените ѓаволи” и се смета дека одамна сонува да заигра на стадионот „Олд Трафорд” во дресот на Манчестер