Холандскиот напаѓач Мемфис Депај постави рекорд за голови постигнати во една календарска година за Холандија. Да потсетиме, во натпреварот од осмото коло од квалификациската фаза за Светското првенство 2022 година, Холандија го совлада Гибралтар со резултат 6:0.
Депај постигна два гола, а со тоа ги постигна 13-от и 14 -от гол во календарската година за својата репрезентација. Со ова, тој го сруши рекордот на Патрик Клајверт, кој во 2000 година постигна 12 гола за една година.
Холандија има 19 бода од осум натпревари и е лидер во групата. Норвешка (17) – на втората позиција, Турција трета со 15 бода. На 13 ноември, сите селекции ќе ги одиграат натпреварите од 9-то коло во квалификациската фаза за Светското првенство 2022 година, Холандија ќе игра против Црна Гора, Норвешка со Летонија, додека Турција ќе го пречека Гибралтар.