Синоќа на стадионот 974 беше одигран натпреварот од 3.коло од групната фаза на Светското првенство во Катар. Во групата Ц играа Полска и Аргентина, мечот го доби Аргентина со резултат 2:0.
Напаѓачот на аргентинската репрезентација Лионел Меси не реализираше пенал, кој беше досуден во 37. минута од натпреварот против Полска по прекршок на голманот Војчех Шчесни токму над Меси.
Меси стана вториот играч во историјата на Светските првенства кој промашил два пенали во историјата на своите настапи на турнирот. Меси во 2018 година не успеа да го погоди голот на исландската репрезентација од пенал.
Асамоа Гијан од Гана стана првиот играч кој промашил два пенали на Светското првенство. Во 2006 година не успеа да постигне гол против репрезентацијата на Чешка, а во 2010 година промаши пенал на натпреварот против Уругвај.