Објавата на аргентинскиот напаѓач Лионел Меси на социјалната мрежа Инстаграм собра рекорден број лајкови кај спортистите. На фотографијата капитенот на јужноамериканската репрезентација го крева пехарот од Светското првенство над глава. Објавата е видена и лајкувана од над 44 милиони корисници.
Претходниот рекорд го постави португалскиот напаѓач Кристијано Роналдо . Неговата објава со фотографија на која игра шах со Меси собра 41,9 милиони лајкови.
Аргентинскиот напаѓач Лионел Меси ја освои својата прва светска титула. За играчот на ПСЖ ова светско првенство беше петто во кариерата. Меси беше најблиску до трофејот во 2014 година, но Аргентина во финалето загуби од Германија. Вчера, во финалниот натпревар на Светското првенство во Катар, Аргентинците во пенал рулетот ја совладаа селекцијата на Франција.
Лионел Меси е седумкратен освојувач на Златна топка. Тој е рекордер според овој показател.