Лионел Меси вети дека Барселона ќе продолжи да се подобрува откако Каталонците синоќа со пресврт го совладаа Интер со 2:1 во Лигата на шампионите.
Шпанскиот шампион повторно имаше сериозни проблеми, најмногу во првиот дел, но потоа успеа да дојде до своите први три бода во групата по головите на Луис Суарез.

„Знаевме дека не бевме најдобри, и ни требаше оваа победа, што е многу добро за нас. Победивме два важни натпревари бидејќи Хетафе е секогаш тежок за игра и иако ни требаше повеќе време, сигурен сум дека ќе продолжиме да се подобруваме“, рече Меси по мечот со Интер.
„Одигравме нерешено на нашата прва средба, па победата беше неопходна на овој меч. Воопшто не беше лесно, бидејќи Интер е сериозен тим со силни играчи и тоа беше видливо во првото полувреме. Во вториот дел, сепак, успеавме да ги притиснеме, започнавме да создаваме шанси, за среќа, постигнавме два гола, иако се бранеа со многу играчи“, додаде Меси.

