Милан го продолжи договорот со напаѓачот Златан Ибрахимовиќ до 2021 година, објавија одредени италијански новинари на своите профили на Твитер .
Според истите информации, Ибрахимовиќ ќе добие 6 милиони евра, пчус бонус од 500.000 евра и иста сума доколку Милан се квалификува во Лигата на шампиони. Ибрахимовиќ му се приклучи на италијанскиот клуб во јануари 2020 година од Лос Анџелес Галакси со слободен трансфер.
Минатата сезона Швеѓанецот одигра 18 натпревари за италијанскиот клуб и постигна 10 гола. Ибрахимовиќ играше за Милан од 2010 до 2012 година, а во 2011 година стана шампион на Италија и го освои Суперкупот на оваа земја. Оваа сезона Милан освои 66 поени и заврши на 6-то место во италијанската Серија А.

