Фудбалерот од средниот ред, Матијас Зарачо е меѓу играчите кои можат да го засилат Милан следната сезона. „Кориере дела Сера“ тврди дека „росонерите“ веќе се обиделе да го купат 22-годишниот Аргентинец во јануари, но нивната понуда била одбиена. Сепак, двата клуба повторно ќе седнат на преговарачката маса во текот на летото.
Откупната клаузула во договорот со Зарачо е 22 милиони евра и клубот од Аргентина нема намера да се повлече од тоа. Самиот фудбалер многу сака да се пресели во Милано и се надева дека со помош на неговиот агент ќе издејствуваат кај раководството на клубот да биде реализиран овој договор.
Минатата сезона Зарачо одигра 19 натпревари во Аргентинското првенство и постигна 4 гола. За него се шпекулира дека е замена на неговиот сонародник Лукас Билија, кој ќе замине како слободен агент од „Сан Сиро“ и веројатно ќе потпише со Торино. Милан е заинтересиран и за друг Аргентинец, Родриго Де Пол од Удинезе, но неговата цена е поголема.