Селекторот на македонската фудбалска репрезентација, Благоја Милевски, денеска на прес-конференција го објави списокот на повикани фудбалери за престојните средби со Италија и Англија и збворуваше за очекувањата од двомечот кој следува на 17 и 20 ноември.
„Списокот е ист од минатиот пат, ме радува што со нас по подолга пауза поради повреда е и Тихо Костадинов. Се радувам што сите се здрави и верувам дека така ќе биде и по овој викенд во кој сите играат за своите клубови. Ниеден натпревар не наликува на претходниот. Со Италија не очекува поинаков меч од оние претходните. Во текот на подготовките во два дена ќе се договориме за начинот на кој ќе одиме на дуелот во Рим. Не сме во ситуација да се штедиме, прво мислиме на Италија, а после на Англија. Барем физички да бидеме подготвени, иако имаме проблем, бидејќи некои играчи немаат минутажа за своите клубови. Ќе се обидеме да го извлечеме максимумот“, вели селекторот на нашата селекција.