Селекторот на македонската фудбалска репрезентација, Благоја Милевски, денеска на прес-конференција го објави списокот на повикани фудбалери за престојниот натпревар со Малта од стартот на квалификациите за ЕП 2024. На листата се најдоа 28 фудбалери, меѓу кои има и неколку нови имиња. На списокот ги нема Николов и Спировски поради лоша форма, како и повредените Серафимов, Дориев и Костадинов.
„Што се однесува до репрезентацијата на Малта се знае дека аутсајдери не постојат во денесен фудбал. Ние нашиот квалитет мора да го покажеме на терен. Ме радува што се очекува од нас победа и ќе напраиме се што е во наша можност со успех да ги стартуваме овие квалификации. Факт е дека одреден број на играчи, особено оние кои ни се носители, немаат голема мунутажа. Изборот е тој, играчите се тие, немаме голем избор. Костадинов, Серафимов и Дориев поради повреди, Тодоровски поради црвен картон со Бугарија отпаднаа. Николов и Спировски поради лоша форма не се тука, но не значи дека се избришани. Давор Здравковски со своите настапи заслужи повик. Се наогаме во многу тешка група, но Македонија има квалитет да се носи и со поквалитетни селекции“, истакна селекторот на нашата репрезентација.
Првиот собир на фудбалерите е на 19 март во Скопје.
