Фудбалската репрезентација на Македонија со победа од 2:1 над Малта ја почна квалификациската група за пласман на ЕП 2024 година. Во натпревар во кој одлуката падна во второто полувреме, селекторот Милевски не го дочека крајот на мечот, откако доби црвен картон во финишот. На прес-конференцијата по средбата тој вака го оцени дуелот со Малтежаните.
„Честитки за момците, за енергијата, желбата и тактичката дисциплина што ја покажаа на овој натпревар. Ваквите мечеви како со Малта се најопасни. Од меч во меч се подобро играме. Треба време за да се создаде хемија меѓу играчите. Се повеќе личиме на тим каков што сакам. Тоа го покажуваме од собир на собир. Во првото полувреме мораше акциите да ги завршуваме со повеќе удари на гол, а не можам да не сум задоволен од второто полувреме. Штета за играчите што оваа победа не е со повеќе голови. Пред се поради нив и нивната самодоверба. Најтешко е да се игра против вакви селекции Малта, Исланд, Фарски Острови… Секогаш морате да сте на високо ниво. Задоволен сум од севкупниот впечаток“, заклучи Милевски.