По натпреварот кој беше одигран на Арената „Тодор Проески“ во Скопје, а зварши без голови меѓу Македонија и Ерменија, новиот селктор на нашата репрезентација Благоја Милевски даде свое видување за натпреварот.
Селекторот на Македонија потенцираше дека на овој дуел недостасувала завршницата, но е задоволен од другите сегменти од играта.
„Честитки за екипата на Ерменија за одиграниот натпревар, посебни честитки до моите фудбалери, покажаа како треба да се однесуваат репрезентативци на Македонија. Првото полувреме треба да ни биде терк како треба да изгледаме во иднина. Во вториот дел имавме посед, но ни фалеше тој завршен пас и реализацијата. Која е причината, за тоа ќе правиме добра анализа за да видиме каде погрешивме. Не е лесно да се пробие таков организиран ривал како Ерменија, цврст, составен од квалитетни играчи и добро организирани. Имавме некои проблеми, особено во транзиција, но во поголемиот дел од мечот сум задоволен како изгледавме. Ни фалеше тој завршен пас и реализацијата, од сето останато сум задоволен“, изјави Благоја Милевски