Во премиерниот натпревар во Лигата на шампионите, екипата на Црвена Звезда одиграа нерешено, без голови протов фаворитот Наполи, а тоа значеше и прв бод на поранешниот европски шампион во ова натпреварување.
Тренерот на Црвена Звезда, Владан Милојевиќ, искажа многу добри зборови за своите играчи по натпреварот против Наполи.
„Фантастично е што по толку години се вративме во елитата на европскиот фудбал и го направивме тоа со добар резултат против толку силен ривал. Наполи има неверојатен тренер во лицето на Карло Анчелоти и во текот на изминатите неколку сезони се бори за титулата во Серија „А”. Бевме свесни дека ќе доминираат во поседот на топката, но имавме идеја како да ги спречиме. Сакам да им честитам на фудбалерите и навивачите, бидејќи тие ја претставија Србија на најдобар можен начин пред светот”, изјави Милојевиќ.
„Ги видовме сите натпревари на Наполи оваа сезона и само против Сампдорија нивната одбрана беше слаба. Во нашиот шампионат се игра со многу помала брзина. Во Србија, Калиду Кулибали најверојатно ќе биде напаѓач поради разликата во темпото и ритамот на играта, горд сум на тимот. Сега нема смисла да зборуваме за бодови и пласман.Прерано е”, заклучи Милојевиќ.