Нашата фудбалска репрезентација У-19 ја чекаат два пријателски меча против соодветната селекција на Турција. На ФФМ тренинг центарот „Петар Милошевски“ – Скопје, избраниците на селекторот, Дашмир Беари, првиот дуел ќе го реализираат на 8 октомври во 14.00 часот додека втората контролна пресметка е закажана за 11 октомври со почеток во 14.30 часот.
„ Дуелите со Турција ќе бидат наша последна проверка пред квалификацискиот турнир што не очекува во ноември. Не треба да се трошат зборови за Турција, се работи за селекција која располага со огромен квалитет и потенцијал. Добро се подготвуваме, имаме одличен состав, задоволен сум од пристапот на моите фудбалери“ – вели Беари.
Селекцијата У-19 во ноември ќе учествува на квалификацискиот турнир за пласман во Елитна фаза што ќе се одигра во Албанија. Македонија е во групата со домаќинот и со селекциите на Србија и Франција.

