Хрватскиот играч за врска Лука Модриќ е решен да остане во Реал Мадрид и покрај понудата од Саудиска Арабија од околу 80 милиони евра плата по сезона, објави „Марка“.
Понудата стигна од клубот Ал-Ахли Џеда. Сумата што ја понудија е седум пати поголема од она што го добива Модриќ во Реал Мадрид, каде што е еден од најплатените играчи.
Сепак, 37-годишниот Хрват има намера да остане во клубот. Една од причините е желбата на играчот да го види „Нуево Бернабеу“, ажурирана верзија на стадионот кој моментално е во реконструкција.
Модриќ сега добива многу понуди од арапски клубови. Саудиската влада спонзорира инвестиции во познати играчи со цел да го подигне нивото на својата национална лига и да биде домаќин на Светското првенство во 2030 година.

