Капитенот на Хрватска, Лука Модриќ сонува да го повтори постигнувањето на неговата селекција од Мундијалот во 1998 година, кога Хрватите беа „бронзени“.
„Тоа беше голема реклама за Хрватска, целиот свет дозна за нашата земја. Уште тогаш почнав да сонувам дека еден ден и јас ќе го достигнам тоа ниво”, рече Модриќ.
Хрватска беше убедлива во групата, победувајќи ја Аргентина со 3:0. Во осминафиналето утре Хрватите се среќаваат со Данска и Модриќ се надева дека приказната ќе продолжи. Клубскиот колега од селекцијата Дејан Ловрен, е убеден дека токму Модриќ заслужува да ја освои „Златната топка“.
„Модриќ е еден од најдобрите во светот во моментов. Ако беше Германец или Шпанец сигурно ќе беше многу популарен и ќе можеше да ја освои „Златната топка”, рече Ловрен.
Селекторот на Хрватите Златко Далиќ исто не штеди суперлативи за лидерот на тимот. „Модриќ е моторот кој не движи напред. Тој е капитен за пример. Секогаш дава максимум од себе”, додаде Далиќ.