Македонскиот олимпски комитет одржа Форум на спортисти посветен на „двојна кариера“ и успешна транзиција од спортските терени во деловен свет. Настанот беше отворен од страна на Генералниот секретар на МОК, г-дин Ѓорги Тасев и Раководителот на секторот за спорт, г-дин Петар Спасеновски.
Тие во воведното обраќање истакнаа дека МОК има системска одговорност да се грижи за своите спортисти и надвор од натпреварувачките терени. Централен дел на форумот беше панел-дискусијата „Живот надвор од терените: Патот на двојната кариeра“, каде што истакнати олимпијци, европски и државни шампиони ги споделија своите лични искуства за патот од спортскиот успех до деловната и општествената реализација.
Во дискусиите и споделувањето на „лекциите од теренот“ учествуваа: Пулексенија Јованоска, Луиза Гашева, Дивна Пешиќ Грозданов, Кочо Димитровски, Едина Муса, Ана Стојков, Весна Балазовска Милошевиќ и Берат Јакупи.

