Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Може ли Реал Мадрид да ја освои тврдината на Манчестер Сити ?
    Фудбал

    Може ли Реал Мадрид да ја освои тврдината на Манчестер Сити ?

    risteBy riste17/05/2023No Comments3 Mins Read
    Facebook Twitter Pinterest LinkedIn Tumblr Email

    Манчестер Сити го пречекува Реал Мадрид на стадионот „Етихад“ во исклучително тежок реванш од полуфиналната фаза во Лигата на шампионите. Двата тима, кои и пред почетокот на сезоната беа меѓу главните фаворити, ремизираа 1:1 пред една недела на „Сантијаго Бернабеу“ по спектакуларните голови на Винисиус Жуниор и Кевин Де Бруин. Така исходот околу патникот во финалето остана за денешниот реванш.

    Манчестер Сити е на само четири натпревари до можна историска тројна круна за клубот. Првиот од овие натпревари е токму против актуелниот освојувач на трофејот во Лигата на шампионите. Неколку дена подоцна, во недела, „Граѓаните“ можат да ја официјализираат титулата во Премиер лигата, оставајќи ги за подоцна евентуалното европско финале и финалето на ФА Купот против Манчестер Јунајтед.На „Етихад“ се уверени дека можат да ги доведат сите овие битки до успешен крај. Пред се, најважен е денешниот супер дуел.

    Манчестер Сити е во неверојатна серија од 22 натпревари без пораз во сите натпреварувања. Додадено на ова е серијата од 15 победи на „Етихад“, при што на 14 од тие 15 натпревари тимот постигнал најмалку два гола. Последен пат Манчестер Сити загуби домашен натпревар во Лигата на шампионите во септември 2018 година.

    „Граѓаните“ викендов немаа проблеми на гостувањето кај Евертон, победувајќи со 3:0 за 11-та последователна победа во Премиер лигата.

    Сепак, на сите овие достигнувања Реал им се спротивставува со 14 трофеи од најпрестижниот европски клупски турнир. Реал Мадрид веќе освои еден оваа сезона откако го подигнаа пехарот во „Копа дел Реј“. Доколку додадат уште еден трофеј од омилениот турнир на клубот, сезоната ќе биде повеќе од успешна, иако Реал ја загуби битката за титулата во Ла Лига на сметка на својот вечен ривал Барселона.

    Минатата сезона Манчестер Сити на овој стадион го победи Реал Мадрид со 4:3 во многу спектакуларна средба. Домаќините нема да имаат ништо против повторување на тој резултат бидејќи тоа ќе значи дека Граѓаните ќе стигнат до своето второ финале во Лигата на шампионите во последните три години.

    Единствениот знак прашалник во составот на Пеп Гвардиола беше дали Нејтан Аке, кој ги пропушти последните два натпревари на тимот поради повреда. На својата прес-конференција пред натпреварот, Пеп објави дека Холанѓанецот не е подготвен, па нема да биде дел од групата на „граѓаните“.

    Карло Анчелоти одмори голем број на стартери против Хетафе, па играчите на Реал треба да бидат доволно свежи за гостувањето кај Манчестер Сити. Едуардо Камавинга го напушти теренот со повреда, но последните снимки покажаа дека ќе биде на располагање за пресметката со Сити. Тоа значи дека и двајцата тренери ќе го имаат речиси целото оружје на кое ќе се потпрат во оваа битка за финале.

    Можни состави:
    Манчестер Сити: Едерсон, Волкер, Рuбен Диас, Аканџи, Стоунс, Родри, Бернардо Силва, Де Бруин, Гундоган, Грилиш и Халанд.
    Реал Мадрид: Куртоа, Карвахал, Милитао, Рудигер, Алаба, Модриќ, Крос, Камавинга, Валвереде, Бензема и Винисиус Жуниор.

    Судија: Симон Марчињак (Полска)
    Стадион: „Етихад“ – Манчестер

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.