Жозе Мурињо ќе остане тренер на Манчестер Јунајтед и покрај поразот од 3:0 на домашен терен од екипата на Тотенхем во 3. коло од англиската Премиер лига.
Менаџментот на клубот гласаше за доверба за менаџерот, иако поразот беше втор по ред и дојде по срамниот пораз од Брајтон во минатото коло. Дел од фудбалерите и легендите на клубот, исто така се залагаат „Специјалниот“ да остане на работа.
Поддршка му дадоа и голем дел од навивачите на „Олд Трафорд“ кои и покрај убедливиот пораз го испратија Португалецот со аплауз. За неговата иднина во клубот се заложија и фудбалерите.
„Располагаме со одличен колектив и сигурен сум дека резултатите ќе дојдат”, изјави Лук Шо. Легендата на клубот, Гери Невил, исто така, го поддржа Жозе Мурињо, истакнувајќи дека раководство не треба да прави тренерска рокада во овој момент.
