Раководството на Ливерпул ќе му понуди нов договор на првата ѕвезда во тимот Мохамед Салах по сензационалното претставување во неговата прва сезона на „Енфилд”, пишува весникот „Сан”. Постоечкиот договор му е до 2022 година.
Интернационалецот од Египет кој беше привлечен за сума од 34 милиони фунти од составот на Рома во летото минатата година, добива по 90 000 фунти неделно, што не го прави дури најдобро платен играч во клубот.
Раководството на „црвените”, сепак сакаат да избегнат ситуација како што имаа со Филипе Кутињо кој во јануари беше продаден на Барселона.
Според медиумите во Англија Ливерпул може да му даде на Салах повеќе од четири пати повеќе од она што го плати на Рома, но челниците на Ливерпул ќе се обидат да ги завршат преговорите уште пред почетокот на Светското првенство, бидејќи веруваат дека цената на 25-годишниот Салах ќе се зголеми дури и по првенството во Русија каде ќе настапи за селекцијата на Египет.
Во оваа сезона Салах има постигнато 43 гола за Ливерпул во сите натпреварувања.