Играчот на средниот ред на Рома Раџа Наинголан ќе го финализира трансферот од Рома во Интер во следните денови, објави „Газата Дело Спорт“.
Наинголан ќе се пресели во тимот од Милано, а Римјаните ќе добијат 24 милиони евра, како и дефанзивецот Давиде Сантон и 18-годишниот играч од средниот ред, Николо Џаниоло, како дел од договорот.
30-годишниот белгиски интернационалец постигна 6 гола и 11 асистенции во 42 натпревари за Рома минатата сезона. По финализирањето на трансферот Наинголан, Интер ќе се обиде да привлече уште еден белгиски играч од средниот ред . Тоа е Муса Дембеле од Тотенхем.