Фудбалерот на Манчестер Сити, Габриел Жесус, кој во континуитет седи на клупата и му е замена на Кун Агуеро, вели дека полека го губи трпението и дека сака да добие поголема минутажа.
Неодамна тренерот на „граѓаните“, Пап Гвардиола, изјави дека Бразилецот е свесен дека мора да му биде резерва на разиграниот напаѓач од Аргентина кој во континутет ги тресе противничките мрежи.
„ Преку глава ми е од теории и од фразата дека треба да ја чекам мојата шанса. Тука сум три години и ја играм четвртата сезона. Тешко е да се натпреварувате за место со Агуеро, играч кој е најголема легенда на клубот. Ја прифаќам одлуката на тренерот и го почитувам Серхио“ – потенцирал Бразилецот во последното интервју.