Италијанскиот тим Наполи ги договорил личните услови со напаѓачот Џакомо Распадори и се обидува да преговара за трансфер на играчот со Сасуоло. Договорот ќе биде со важност до летото 2027 година, а висината на платата не е соопштена, пишува „Фудбал Италија“.
Претходно спортскиот директор на Сасуоло Џовани Карневали потврди дека преговорите со Наполи веќе се во тек. Актуелниот договор на италијанскиот играч истекува во 2024 година.
Распадори минатата сезона одигра 36 натпревари во Серија А, постигнувајќи 10 гола и 6 асистенции. Напаѓачот потекнува од школата на Сасуоло, а управата сега ќе бара околу 25 милиони евра за играчот.