Иднината на напаѓачот на Интер, Мауро Икарди, останува нејасна. Како што објавија медиумите во Италија во последните неколку дена, Наполи се приближуваше до трансферот на Аргентинецот, откако изразија подготвеност да му ги платат на Интер потребните 60 милиони евра, како и да ги задоволи финансиските потреби на играчот.
Сепак има еден голем проблем, а тоа е што Икарди е наклонет кон можноста да се пресели во Јувентус, кој е еден од главните претенденти за неговите услуги, а исто така претходно ја отфрли можноста да ја продолжи кариерата во Наполи. Последните информации велат дека во последниве денови ги сменил ставовите кон наполи.
Икарди настапува за Интер од 2013 година. Минатата сезона, 26-годишниот напаѓач одигра 29 натпревари во Серија А, во кој постигна 11 гола (5 од пенал) и 4 асистенции. Договорот на мауро Икарди со Интер е до летото 2021 година.