Наполи вечерва ќе игра со специјален дрес, инспириран од легендарниот дрес на Аргентина од 1986 година, во чест на Диего Марадона.
Наполитанците на својата официјална веб-страница објавија дека дресот е специјално изработен од италијанскиот спортски гигант Капа за да му оддадат почит на Диего Марадона, кој почина во средата.
„Пред една година, заедно со Капа, помисливме да дизајнираме специјална маица што ќе го отсликува Диего Марадона, неговата сакана Аргентина и блиските односи со луѓето од Неапол. Се надевавме дека Диего може да го види. Договорено е новиот дрес да биде обезбеден за натпреварот против Рома“, напишаа клубот.

