Манчестер Сити го победи Челзи со 2:0 во синоќешниот натпревар од 3. коло од англискиот Лига куп, а навивачите на Челзи се лути на едно од најскапите засилувања за тимот, Калиду Кулибали. Фановите на Челзи во него го вперуваат прстот како виновник за оној прв гол кој го постигна Ријад Марез од слободен удар во 53. минута.
На социјалните мрежи можат да се прочитаат низа критики за Кулибали и за неговата реакција при шутот на Марез. Имено, тој беше еден од играчите во живиот ѕид, а единствениот кој не скокна кога топката тргна кон голот.
На крајот, топката отиде право над него, за да го измами Менди и да заврши во мрежата на Челзи. Ако Кулибали потскокнеше веројатно ќе ја запреше топката со своето тело.
Why’s Koulibaly trying to stare down the ball? Thought he could mean mug it away from goal 😭🤣 #MCICHE #CarabaoCup pic.twitter.com/TRGljZ7XCU
— Kyle Gacheru (@KyleGacheru) November 9, 2022