Голем дел од навивачите на Ливерпул и Реал (Мадрид) се откажуваат да присуствуваат на финалето од Лигата на шампионите поради високите цени на хотелите во Киев.
Ова е објавено од страна на локалниот весник „Вести“. Финалето на најпрестижноти натпреварување во Европа ќе се игра на 26 мај на „Олимпискиот стадион“ во Киев, кој има капацитет од 70.000 места. Неколку месеци пред овој натпревар, локалните хотели ги зголемија цените за тој датум за 5 до 10 пати.
Според публикацијата, навивачите на двете екипи престанаа да резервираат билети за финалето, иако нивниот животен стандард е неколку пати повисок од оној во Украина. Навивачите на Ливерпул не можат да си дозволат да дојдат или да останат во Украина за натпреварот кој се игра за титулата во Лигата на шампионите. Тие сметаат дека ова е „најскапото финале во историјата” и се жалат на измама”, пишува весникот „Вести“.
Истиот медиум цитира обожавател на англиски јазик кој вели дека патувањето во две насоки го чини 1.700 фунти, а сместувањето во хотел може да биде 2-3 пати поскапо од летот. Според друг обожавател, најниската цена за една ноќ во хотел во периодот од 25 до 27 мај е 900 фунти, а за три ноќи варира помеѓу 1800 и 3000 фунти. Властите во Киев, сепак, рекоа дека очекуваат околу 35.000 навивачи од странство да присуствуваат на натпреварот.