Шпанската фудбалска лига Ла Лига објави дека го откажува планираниот натпревар од лигата меѓу Виљареал и Барселона во Мајами, САД.
„Ла Лига информира дека, по разговорите со организаторот на натпреварот во Мајами, вториот донесе одлука да го откаже настанот поради неизвесноста што преовладуваше во Шпанија во последните недели“, се вели во соопштението.
Лигата изрази жалење што не можеше да ја искористи „оваа историска можност“ за првпат да го организира првиот натпревар од шпанската лига во странство.
Обидите на Ла Лига да одржи натпревар во САД датираат од 2018 година, кога Барселона и Жирона требаше да одиграат натпревар во Мајами, но проектот беше блокиран откако ФИФА и Шпанската фудбалска федерација одбија да дадат согласност.

