Фудбалерите на Борусија Дортмунд допатуваа во Мадрид во текот на претпладневните часови , но имале непријатности со авинот со кој долетале до главниот град на Шпанија.
Имено при пристигнувањето за претстојниот натпревар со Атлетико Мадрид во Лигата на Шампионите, според информациите кои ги објави весникот „Билд“ авиното на Борусија Дортмунд слетал на аеродромот, но веднаш морал повторно да се врати во воздух затоа што на пистата каде што требало да помине имало друг авион кој задоцнил со полетувањето и за малку бил избегнат судар на двата авиони и предизвикување на тежок инцидент. Нема повредени, но сите во авионот биле шокирани од овој настан.Тимот поминал половина час во воздух пред да слета нормално.
„Сме имале многу по тешки ситуации при летањето со авионот, но сепак не беше баш многу пријатно“ коментирал спортскиот директор на Борусија Михаел Цорк. Борусија Дортмунд утревечер игра на „Ванда Метрополитано“ против Атлетико Мадрид со почеток во 21.00 часот.