Двајца од клучните играчи на Баерн Минхен, Мануел Нојер и Томас Милер се враќаат во тренажниот процес на тимот. Голманот и капитен на тимот Мануел Нојер започна специфични голмански вежби по операцијата на коленото, која го оддалечи од теренот неколку недели, додека Милер продолжи со индивидуалните тренинзи по коронавирусот.
Враќањето на двајцата најискусните кај Баварците е одлична вест за тренерот Јулијан Нагелсман пред саботниот првенствен натпревар против третопласираниот Баер Леверкузен и реваншот од осминафиналето во Лигата на шампионите против Салцбург следната недела.
Надвор од сметките на Нагелсман останува играчот од средниот ред Лео Горецка, кој лекува повреда на коленото, но тренерот е убеден дека лекувањето на играчот се одвива според планот и наскоро ќе може да смета на него.