Различни верзии се објавени од страна на медиумите во Франција во врска со заминувањето на Нејмар од ПСЖ. Според весникот „L’Equipe“, новата опција за договор меѓу ПСЖ и Барселона е опција за позајмица.
Ваквиот договор е многу сличен на оној кој го имаше Килијан Мбапе, кој најнапред беше на позајмица во ПСЖ, а потоа остана со постојан договор за 180 милиони евра. Сепак, францускиот весник тврди дека цената на Нејмар не паднала на 180 милиони, како што јави каталонскиот весник „Спорт“ пред неколку дена. Од раководството на ПСЖ инсистираат на 300 милиони евра.
Според „L’Equipe“ од ПСЖ би барале задолжително откупување на играчот во 2020 година, бидејќи тие бараат свежи пари за да најдат замена на бразилскиот. Од Париз поставиле датум на затворање за целата сага околу Нејмар – 10 август, кога започнува Лига 1. До сега немаше официјална понуда за Нејмар, туку едноставно неформално барање од Барселона – 40 милиони евра плус Филип Кутињо и Иван Ракитиќ, што не е прифатлива за ПСЖ.