Новак Ѓоковиќ може да го пропушти последниот сезонски турнир од серијата „Мастерс“ во Париз (Франција), кој започнува на крајот на октомври, најави тренерот на Србинот, Горан Иванишевиќ. До крајот на сезоната, Ѓоковиќ сигурно ќе учествува во финалето на АТП во Торино по 13 ноември, но можеби ќе реши да паузира по учеството и освојувањето на титулите во Тел Авив и Астана (Казахстан).
„Јасно е дека сигурно ќе игра во Торино, но останува прашањето дали ќе замине во Париз пред тоа“, изјави Иванишевиќ.