Германската фудбалска лига објави дека ги заострува хигиенските правила за борба против коронавирусот со воведување на задолжителни брзи тестови и можност за тренинг за играчи во карантин.
Сите 36 клуба во Првата и Втората Бундес лига ќе мора да прават секојдневни брзи тестови на своите играчи доколку има повеќе од 35 заразени на 100.000 луѓе во нивната провинција. Покрај тоа, PCR-тестовите ќе продолжат да се вршат двапати неделно на сите членови на тимот.
Карантинските кампови ќе траат помеѓу 5 и 14 дена и ќе можат да се организираат на барање на Германската фудбалска лига, така што нема потреба да се одложуваат натпреварите и шампионатот да заврши во мај. Одлука за таков „балон“ ќе треба да се донесе најмногу 8 дена пред да започне истиот.

